Current Articles | Categories | Search

Friday, September 25, 2009 Bokbåt, Coop-sveler og korpsmusikk Barstadvik! Av RoarS @ 7:44 PM :: Vist 632 :: 0 Kommentar(ar) :: :: Arrangement   Tre ønsker på ei gong, nesten som eitt kinder-egg! I år valgte Coop - personale og korpsmusikantane på Vartdalsstranda å gjere litt ekstra stas på Bokbåten «Epos» då den gjorde sitt anløp i Barstadvik laurdag den 12. september. Vi er heldige som får besøk av denne båten to gongar i året! Coop`en har i den siste tida blitt forvandla til det reinaste supermarked med mellom anna flotte utvendige lys som skin i kapp med bygdefolket i alle retningar. Opningstidene er også blitt forlenga, så no er det berre fryd og gammen. Klart dette måtte feirast! «Festen» starta klokka 13.00 med sal av sveler ved butikken. Klokka 13.30 stilte korpsmusikantane opp og spelte nokre nummer før dei taktfast marsjerte ned mot kaia for å ta imot bokbåten då den la til kai klokka 14.00. For dei som ikkje er så bevandra i kva bokbåten gjer og er så kan vi fortelje at den er eit flytande bibliotek som gjer sine anløp på stadar der biblioteket ikkje lenger er i drift. I tillegg til å låne bøker kan ein ha gleda av å få suge til seg litt kulturelle innslag også ombord. Denne gongen var det «Tromme-Lars» som underheldt. Mange bøker fekk nye lånarar denne dagen! Bokbåten har eigen medlemsklubb som det er heilt gratis å vere med i.Bokbåtbladet kjem ut to gongar i året til medlemmar, og inneheld mellom anna kjekke konkurransar som ein kan delta i. Det er mange flotte premiar å konkurrere om. Denne klubben har også eiga nettside: www. bokbåtklubben.no Etter at båten reiste vidare klokka 15.30 samla bygdefolket seg igjen ved Coop`en for å drikke meir kaffi og ete meir svele. Heilt klart ei kjekk dag i Barstadvik! JKE

Karakter 12345

Kommentar(ar) Only registered users may post comments.