Current Articles | Categories | Search
Kan hende vert situasjonen så kritisk at mastra må over bord. Då er sjø og vind så harde at båten ikkje ber seglfille. Det tek slik tak i snaue riggen, når båten er oppe på båretoppane, at båten kan verte kolvd.
Under hardsegling hende det at ottringen vart fylt meir enn dei kunne klare å ause ut, sjølv om dei brukte både ausskjera, sjøskrina, og anna dei rådde over.
Det var då stor fare for at båten, med seglsteinen inni, ville sekke.
Orde sned (uttalt; snid, sne) tyder; på skrå, skråande. Nemninga snedbetning viser til måten botnborda skrår. Dei fleste norske bruksbåtane er bygde med heile bordgangar; Bordet går samanhengande i heile båten si lengde.